唔經唔覺...原來已經有兩個多月冇寫過野了...呢兩個多月發生左好多事...排等我summarize一下先...以下事件排名絕對分先後... 第一位 ?阿肥 阿肥係我咁大個仔第一次養o既狗狗...佢係一隻哥基...男性...出生日期2007年1月10日...芳齡四個多月... 點解會有阿肥呢??? 追溯返係三月底一個平靜o既晚上...當我係度餵緊魚o既時候...唔知點解腦海中忽然產生一個畫面...係一隻狗仔係我屋企走來走去...非常得意...令到一個好平靜o既晚上增添左生氣...就係咁...我就有養狗狗o既念頭... 於是...就開始看資料...同yoki傾左...佢都唔反對?#35543;左一個星期左右...就決定養了...最初...我是想養八哥的...但yoki話佢樣衰...睇相佢揀中左哥基...都好...我都鐘意...哈...於是就決定星期六4月6日去睇狗... 果日係清明...我地去完拜山就去左causeway bay 睇...我地第一間睇o既pet shop叫花旗...因為朋友講過呢間ok...入到去就見到阿肥同另外4隻corgi bb...佢地隻隻都好得意...問了價錢之後就走了...因為我地其實冇諗住即日買咖...果日都係諗住睇下only...and then去了其餘幾間...冇咩睇得o岩...於是同就過mong kok睇...首先係金魚街...之後過左勝利道...果頭有好多隻corgi...有幾隻都好靚仔下...但就好貴下...最貴果隻要成12800...所以都冇打算即刻買... 睇完之後...都八點幾了...諗住食完飯就返屋企...點知yoki諗起花旗果幾隻bb...話想再去睇多次wor...嘩...有人仲心急過我...好...既然你出到聲我地就返去啦... 返到去果5隻bb仲係度...今次叫個sales抱出黎睇...我睇中左兩隻...一隻就係阿肥...另一隻係唯一一隻女...睇中阿肥o既原因係佢隻色特別...五隻當中...有兩隻係極之普遍o既creamy色...有兩隻係我唔鐘意o既黑色...而阿肥係灰灰黃黃咁o既色...夠特別...我鐘意...當仔細觀察兩隻bb o既時...我發覺阿肥乖巧d...而阿女就活潑d...而且阿肥又痴人d...mmm...揀左之後...開始講價...由6800講到6000...由於當時我買阿肥o既決心唔係100%.....所以我出價$5000...佢話要同老細傾下先...咁我就話我都去食個飯諗清楚先... 食完飯...我地又返左去...個sales話$5000真係唔得...但可以減到$5500...跟住...我諗左一陣...決定帶阿肥走...之後個sales例排幫你?#27713;?#19968;大堆用品(我而家當然知道好多野跟本唔使用或者買貴左)...埋單7000蚊...因為果晚攪到好夜...個sales話聽日幫阿肥沖涼美容後先帶佢返屋企...好...阿肥...我等你... 第二日...我同yoki仲有數個朋友陪同下去接左阿肥返屋企...佢好得意...一返到屋企就好好奇咁周圍望...跟住比野佢食就放左佢入cage...之後果幾日都好地地...佢都好活潑...仲要好快學識去toilet...點知...
一個星期後...我地發覺阿肥開始打噴嚏同咳...安全起見我地第日帶左佢去睇醫生...醫生話可能係呼叫道感染or狗瘟...比左d藥佢同埋叫我地留意佢o既情況...當時阿肥都仲係好活潑...點知到左第二日...阿肥o既情況開始惡化...精神同胃口都差左...我好擔心...到左第三日...直頭嚇死我...因為佢發高燒加氣喘...我驚到一早帶佢睇醫生...醫生話佢呼叫道感染...好彩個肺冇事...不過建議佢留醫...但係要成700蚊一晚...嘩...算把啦...
於是我同阿肥返屋企...餵佢食野同食藥...點知佢情況都仲係咁差...一日係咁訓覺...冇哂精神...於是我打比pet shop...佢話叫我帶返比佢地...等佢地同我照顧...我考慮到我自己冇時間睇住佢...於是即晚帶佢返pet shop... 之後我日日keep住打電話去問佢個情況...pet shop個chris日日都話佢好返好多...佢返左pet shop之後o既第三日我去左pet shop探佢...謝天謝地佢真係好返好多了...之後佢係pet shop住多兩日我就接返佢返屋企... 返到去阿肥繼續食返pet shop比果d藥...食完之後見佢仲有d咳...於是再帶佢去睇醫生...今次睇果個陳醫生好好人...好細心咁睇阿肥...解釋病情好詳盡...佢睇左阿肥足足有45分鐘...佢話阿肥條氣管仲未好哂...於是開左7日藥比佢...仲開左d營養膏比佢增強抵抗力...今次d藥真係好有效...阿肥明顯好左好多...仲肥左好多...一個星期後帶阿肥返去覆診加打針...阿陳醫生話阿肥好得好快...條氣管冇哂雜音了...但佢都好左十日藥...話安全d徹底d清哂d病毒...到左而家...阿肥應該真係好返哂了... 但係隨著阿肥日漸長大...佢亦越來越naughty...乜都咬一大餐...人啦...牆啦...鞋啦...最大件事係咬佢toilet張報紙...攪到成個kitchen一地都係...shit...真係人都癲呀...不過我都有信心會令到佢再唔會咁做o既...比d時間... 總括黎講...阿肥來左之後...屋企多左生氣...多左歡樂...有時見到阿肥個得意樣...個人情都開心d...阿肥又吸引到d朋友多左上黎...哈...阿肥... I am looking forward to taking you out for walks...should be very soon... 第二位 ?轉工 5月11日係我係british council的last day...做左五年之後終於要走了...臨走前個幾個星期...不停有同事請我食飯同我farewell...到last day果日...收到三份禮物...其中一份...係自己team班同事送o既一個agnes b公事包...嘩...係我之前同佢地食飯o既時候睇中話想買果個黎咖...佢地仲要懶神秘咁洗左我去另一個department拎我份禮物...幾感動呀...不枉我平時對你地咁好...另外有一個外籍女同事送左本記事簿比我...我都幾surprise because我知佢係一個好人但唔知佢會請我食飯之後再送gift比我囉...mmm...其實...我d人緣都唔錯... 上個星期一開始返新工...唉...悶到呀...一日到黑睇公司d資料...跟住d同事得閒就會brief下你d野點做...都冇system o既...仲有呀...我而家做埋d野好低能...好以我以前係bc d下 屬做o既野?#21453;而我個阿頭就做d planning ar...organizing ar...monitoring ar咁o既野...呢d先係我以前係bc做咖嗎...好以比降左職咁...但又慘得過佢人工反而高d喎...真係比佢吹漲呀... 唯一好o既係讀書好...我已經報了一個polyu攪o既master degree讀...計埋哂員工discount同資助...成個course只需萬多元...超值呀... 呢度d人工真係唔錯...等我一路做野一路讀書and at the same time盡力去爭取promotion先... (p.s. 呢篇野係我今日星期六返工寫o既...咁你就知我份工有幾無聊啦) | 
